أكد سفيان بن حميدة كرونيكور برنامج في 90 دقيقة على إي أف أم، اليوم الأربعاء 21 سبتمبر 2022، أن الحبيب اللوز "إر*ابي"، بالنسبة له وبالنسبة للرأي العام التونسي وذلك بناء على تصريحاته التي تبنى فيها الإر*اب حسب تعبيره.

وقال بن حميدة:" صحيح إنو التصريحات ما توصلش للحبس مبدأ أساسي لكن باستثناء التصريحات المتعلقة بالتشجيع على الحرب والكراهية، والتصريحات العنصرية والتصريحات الإرهابية، لأنو ما تنساوش أنو فما قانون لمكافحة الإرهاب في تونس يعتبرو عمل إرهابي مش الفعل أكهو، الفعل والتصريح والنية، إذا ثبتت نية شخص في القيام بعملية إرهابية في إرهابي ويحاسب على أنو إرهابي، إذا تصريح سي الحبيب اللوز البارح كي يقلك الملف فارغ، لا مش فارغ، انت بيدك صرحت على تشجيعك على التسفير لسوريا أي بتشجيعك على الإرهاب وبالتالي المحكمة تأخذ بالتصريحات هاذيكا ولا ما تاخذش، تطبق القانون ولا ما تطبقش هذا شي آخر ثانوي، أما بالنسبة ليا وبالنسبة للرأي العام التونسي وبالنسبة لكل المنظمات الحقوقية في تونس وخارج تونس حبيب اللوز إرهابي بصريح قوله، لأنو تبنى الإرهاب بالتصريحات اللي هو قالهم".