وصف سفيان بن حميدة كرونيكور برنامج في 90 دقيقة على إي أف أم، اليوم الاثنين 17 أكتوبر 2022، حديث رئيس الجمهورية عن كارثة جرجيس وإعلانه أنه كان متابعا للمسألة منذ البداية، بالأمر الغريب.

وقال بن حميدة:"  بعد 20 يوم من كارثة جرجيس الرئيس يقول أنو يتابع فيها منذ انطلاقها وهذا هو اللي مش مفهوم، يعني تشوف في الدنيا تغلي، النهار اللول النهار الثاني، النهار الخامس، النهار العاشر والدنيا تغلي، هي لا بعثت الوالي وتقلي الوالي هاو حجروه، إيه حجروه لأنو مشالهم بعد 22 يوم، لا بعثت والي لا بعثت وزير لا بعثت رئيسة حكومة، لا هبطت انت لا تكلمت لا خرجت تكلمت... اعتبروه ماللول من المتفرقات، فما سوء تقدير لأزمة اجتماعية وإنسانية واعتبارها مجرد حدث أو حادث، كيما صار برشا مرات، لا الأولاد اللي خرجو، خرجو بعلم عائلاتهم، مسألة في رحلة منظمة، هذاكا علاش أنو فقدان الاتصال بيهم عطا الإنذار، هذا الكل يعرفو رئيس الجمهورية".