وقال بن حميدة:" سمعة البلاد نعملوها أحنا الكلنا سلطة ومعارضة ومواطنين وأحنا ما خدمناش البلاد في الحقيقة الكلنا، مسؤولية شكون، مسؤوليتنا الكل جميعا أما ما نحاولوش نتنصلو، سي علي العريض ساهم بطريقتين في تشويه سمعة البلاد، وقتلي كان في السلطة وعملو كل الجرائم اللي عملوها الاغتيالات السياسية الرش متاع سليانة، المظاهرة متاع 9 أفريل، الانتهاكات الكل اللي صارت إي هاذوكم ماهو ساهمو في تشويه سمعة البلاد، ثم وقتلي خرجو للمعارضة وبعثو الوفود سي المصمودي ماو تابعهم ولا، التصريحات متاعهم إنو ما تعطيوش تمويلات لتونس عملوها هوما ولا أحنا، إذن ساهموا في تشويه صورة البلاد ما نحكيش على السلطة هذاكا كان نجيو نحكيوا على كيفاش السلطة في تشويه صورة البلاد نحكيو عليها زادة سوايع، أما عيب أنك تتنصل من مسؤوليتك، السلطة قاعدة تغلط لكن راهو انت عندك مسؤولية وانت اللي وصلتنا، كان خدمت على روحك راهي السلطة هاذي مش موجودة راك انت الفشل متاعك هو اللي شوه سمعة البلاد وهو اللي قاد لوجود سلطة بديلة ليك اللي هي بدورها فاشلة:"
Address: Immeuble Louati 4e étage Lot 6.5.9
Les Jardins du Lac - Tunis - Tunisie
Tél: +216 70 016 020
E-Mail: contact@ifm.tn