علق سفيان بن حميدة كرونيكور برنامج في 90 دقيقة على إي أف أم، اليوم الخميس 1 ديسمبر 2022، على انتصار تونس على فرنسا أمس الأربعاء في إطار دور مجموعات مونديال قطر.

وقال بن حميدة:" الواحد يشيخ عالماتش، ماتش خارق للعادة، هاذيا فرنسا لعبت بالفريق الثاني، الفريق اللي فيه ريال مدريد وبرشلونة وبايرن ميونيخ، ماهيش فريق ثاني، أقل واحد في الفريق الثاني متاعهم يلعب في جمعية أكبر من متاع أي ملاعبي يلعب في تونس، معناها لاعبين قيمتهم كبيرة برشا، التوانسة عندهم قلب ثم أنو التاريخ اللي ما بين تونس وفرنسا لعب دورو، عنا 10 ملاعبية في المنتخب مزدوجي الجنسية إذا الماتش بالنسبة ليهم استثنائي برشا، وعطات صورة متاع تونس حلوة ياسر"...