علق سفيان بن حميدة كرونيكور برنامج في 90 دقيقة على إي أف أم، اليوم الاثنين 17 أكتوبر 2022، على توصل تونس إلى اتفاق على مستوى الخبراء مع صندوق النقد الدولي.

وقال بن حميدة:" أنا عندي مجموعة من الملاحظات بش نقولها بطريقة برقية تقريبا، أولا أنو هذا الاتفاق هو اتفاق خبراء يحتاج إلى قبولة من طرف المجلس التنفيذي اللي بش يتم انعقادو في ديسمبر المقبل، إذن هذا اتفاق متاع خبراء مازال ماهوش اتفاق نهائي، لكن في العادة أنو الاتفاق متاع الخبراء يتم قبولو في المجلس التنفيذي، في المجمل تقريبا مازالت إجراءات شكلية.. الملاحظة الثالثة أنو المبلغ متاع 1.9 مليار دولار مبلغ ضعيف وما يحلش مشاكل الاقتصاد التونسي، لكن المبلغ الضعيف هذا ما كانتش تونس تنجم تأخذ أكثر منو لأنو هاذيكا حصتها المتبقية لدى الصندوق هذا أش يقولو الخبراء اللي سمعتهم، الملاحظة الرابعة هو أنو الاتفاق صحيح ما يحلش مشكل الاقتصاد التونسي لكن يفتح آفاق للاقتصاد التونسي بش أنو يمشي يشوف تمويلات لبرة، لكن لنا يولي الموضوع مربوط بدبلوماسيتنا الاقتصادية بقدرة الحكومة هاذي على أنها تسوق روحها إلى غير ذلك، الملاحظة الخامسة أنو علاش الحكومة ما عملتش حملة اتصالية بعد التوصل إلى الاتفاق، لأنو ببساطة الكلهم متخبيين، أهايكا من واشنطن تكلمت وانتهى الموضوع ببساطة عندهم حاجة ما يحبوش يجاوبو عليها هي شنية البنود متاع الاتفاق هذا، اللي حاطينهم في المهموتة، حتى في النقطة هاذي يحكيو ما يحكيوش أما مجبورين بش يوضحو البنود لأنو مجبورين بش يطبقوها على أرض الواقع إذا يحبو الأقساط الثانية والثالثة والرابعة متاع القرض هذا تتصبلهم".