أكدت الناشطة السياسية شيماء عيسى اليوم الاثنين 24 أكتوبر 2022، في مداخلة مع برنامج في 90 دقيقة على إي أف أم، أنها لم تتوجه إلى جرجيس بصفتها كعضو في جبهة الخلاص الوطني، بل ذهبت كمواطنة تونسية وأم وناشطة في المجتمع المدني لتعزية عائلات الضحايا. 

وقال عيسى:" مشيت كتونسية وكأم وكناشطة في المجتمع المدني بش نقدم التعازي... أكثر حاجة هوما ما فماش رعاية نفسية بالكل، بعض العائلات يقولو اللي أبناءهم اللي فقدوا وخيانهم يحلموا في الليل ويسمعو صوت خواتهم وحالتهم النفسية صعيبة برشا، فما جدة تقوم في الليل تجري تمشي تلوج على وليد في حين أنها تعرف اللي وليد ما عادش موجود... انجمو نقولو أنو آفة التوظيف السياسي بدينا نتخلصو منهتا بالشوية بالشوية ولكن هذا ما يخليناش نبعدوا على بعضنا كتوانسة، مش معناها انت ناشط سياسيا معناها انت ما عندكش واجب تقوم بيه بعيد على الكاميرات وبعيد على التوظيف بحد ذاتو، اليوم مثلا كي تمشي وتعزي الناس وتقلهم راني معاك من قلبي الناس تفرح وتحس وتقول فما ناس تحس بيا اليوم كيف نوجهو الدعوة للمجتمع المدني وخاصة الجمعيات النسائية جمعيات الأطفال، جمعيات حفظ الصحة النفسية في جرجيس وغيرها، خدمة كبيرة في جرجيس ولازمنا ناقفو معاهم"...