وصف طارق الكحلاوي كرونيكور برنامج في 90 دقيقة على إي أف أم، اليوم الثلاثاء 25 أكتوبر 2022، تصريحات وزير الشؤون الاجتماعية مالك الزاهي حول ملف الدعم بالأمر الغريب. 

وقال الكحلاوي:" السيد مالك الزاهي وزير الشؤون الاجتماعي معني مباشرة بالمشروع الذي قدمته تونس لصندوق النقد الدولي المفروض في بالو بيه وعندو عليه فكرة، قاعد يقوللنا عنا تصور أما رانا بصدد التفاصيل متاعو وهذا أمر غريب، خاطر كي انت عملت في 15 أكتوبر اتفاق رسمي مع التقنيين، في البيان الرسمي باللغة الإنجليزية على موقع صندوق النقد ما فماش توجيه الدعم، فيه رفع الدعم، هذا الاتفاق، هذا البلاغ تعرف آش عملت الحكومة، السيدة بودن متاع التفاؤل ما نطقت عليه حتى كلمة، جات في الصفحة متاعها ما قالتش رانا عملنا اتفاق وهاو شنوة الاتفاق، شاركوا البيان الرسمي متاع صندوق النقد... السيد مالك الزاهي كان تسمع فيا، صندوق النقد يقول في الترجمة العربية متاع البيان "كما بدأت الحكومة التونسية في الإلغاء التدريجي للدعم المعمم على الأسعار".. يا خويا الحكومة متاعنا أعطوينا التفاصيل ما حاشتيش بالطلاسم"...