عبر طارق الكحلاوي كرونيكور برنامج في 90 دقيقة على إي أف أم، اليوم الاثنين 17 أكتوبر 2022، عن استغرابه الشديد، من انطلاق قبول الترشحات للانتخابات التشريعية، دون إجراء أي تنقيح على القانون الانتخابي، على الرغم من انتقاد رئيس الجمهورية لبعض مما ورد في القانون، إعلانه اعتزامه إجراء بعض التنقيحات عليه.

وقال الكحلاوي:" أنا مش فاهم شي، توة الرئيس مش خرج انتقد القانون الانتخابي متاعو، وقال راهو مضر ويلزمو يتبدل، ومبعد، ما فهمتش أنا، وطلعو جماعة هيئة الانتخابات قالو هانا نستناو، إذا كان بش يبدل تو نشوفو كيفاش نتأقلمو.. انت تحكي عالمنطق تعرف إيه عن المنطق، اللوجيك في شيرة وفما الرئيس قيس سعيد في شيرة أخرى ساعات يتقاطع مع اللوجيك، ساعات يبدا ماشي طف يعرضو لوجيك وساعات ما فماش علاقة، نحنا يظهرلي التعليق عليه الموضوع هذا توة سايي، عنا أرقام وإحصائيات، أنا اللي يهمني أكثر من هذايا، أنو ربما نبداو نشوفو شنوة بعض المؤشرات على قداش من تزكية، مثلا كي نشوف 350 ألف تزكية، اللي ممكن ومازال في بداية إيداع الترشحات، ممكن نوصلو لـ500 ألف، هذا عدد ضخم كيفاش تم جمعهم هذاكا موضوع آخر".