علق طارق الكحلاوي، كرونيكور برنامج في 90 دقيقة على إي أف أم، اليوم الأربعاء 2 نوفمبر 2022، على تصريحات كاتب عام الجامعة العامة للتعليم الثانوي 

وقال الكحلاوي:" فما حاجات معقولة وحاجات غير معقولة في توجه الحكومة وفي توجه الاتحاد، أنو كي تبدا عنا بشكل علني وواضح، عبئ وعجز كبير في المالية ولا يمكن بأي حال من الأحوال تطبيق التزامات سابقة، ما تنجمش بكل بساطة ما عندكش، انت توة عالحديدة، بالتالي فما حكومة سابقة التزمت، ما فما حتى حل إلا ما تأجل الالتزامات هاذيكا لكن هذا لازمو حديث، يلزم نتفاهو ونعطيك أفق ونقلك وين ماشي، وربما بعد ما نريقل أموري ونحسن ونعمل إصلاحات، وترجع العجلة تدور والاقتصاد يدور ونصنع ثروة، وقتها نولي هاني أعطيني 3 سنين ونمشي للحاجة هاذيكا، الحكومة تعطي تصور، هل عطاتو ولا؟ إلى حد الآن ما سمعتش تصور واضح مالحكومة، متاع مش فقط رانا خذينا القرض، متاع الإصلاحات اللي عملناها كيفاش تساهم في إعادة خلق الثروة، ويمدى زمني واضح، مازلت ما سمعتش تصور كامل متاع الحكومة في الحالة هاذيا، في المقابل كي الحكومة توصل حتى الأساسي من نوع أنو تعطيك شهريتك، مش التزامات سابقة، بش نزيدك منح ولا نزيدك شهرية، سمعتو أنا الزيدي متاع النقابة متاع النقل قالك ما نجمش هو بيدو ما عادش ينجم يأطر نقابيا، انت كي ما عادش تخلص شهريات، وتقعد بالجمعة والعشرة أيام ما تخلصش شهرية هو دورو كنقابي ما عادش قادر يعملو، قواعدو ما عادش تسمعو.."