أكد طارق الكحلاوي كرونيكور برنامج في 90 دقيقة على إي أف أم، اليوم الجمعة 17 جوان 2022، أن رئيس الجمهورية وضع اتحاد الشغل في زاوية وعرض عليه عرضا لا يمكن إلا أن يرفضه.

وقال الكحلاوي:" هاو آش فيه العرض متاع قيس سعيد، موضوع خارطة الطريق السياسية ما عندكش بيه حتى علاقة انت كيفك كيف غيرك بش نعيطولك وبش تحضر إذا كان فما حوار وطني في ماهو اقتصادي واجتماعي وبش تحكي معاك رئيسة الحكومة وإلا من يمثلها وزير الشؤون الاجتماعية، تلاثة حتى في الموضوع الاقتصادي والاجتماعي فما مشروع متاع صندوق النقد الدولي نحنا بش نقدموه كيما هو تحبو تدعموه أدعموه ما تحبوش تدعموه في الأمان، برقية الإضراب عندها 18 يوم وقتاش يعيطولهم قبل نهارين م الإضراب معناها رانا ماناش معنيين بش نتفاوضو معاكم ماللخر أيا سيدي عندكم إضراب أعملوه، وفي اللخر تعرف  شنية هي الفكرة السلاح النووي متاع الإضراب أنا بش نهريهولكم وانت ما تنجم تعملي بيه حتى شي وبالتالي تحب تعمل إضراب آخر المرة الجاية متاع الوظيفة العمومية بعد جمعتين بعد شهر أعملو مرة أخرى بش يصير نفس الشي بش يكون قبل 16 جوان هون نفسو 16 جوان هو بعدو 16 جوان حتى شي لن يتغير".