علق طارق الكحلاوي كرونيكور برنامج في 90 دقيقة على إي أف أم، اليوم الخميس 27 أكتوبر 2022، على النقاط الـ8 المتعلقة بالاتفاق مع صندوق النقد الدولي التي تناقشت حولها وزيرة المالية مع عدد من رؤساء تحرير وسائل الإعلام.

وقال الكحلاوي:" في الزوز نصوص فما 8 نقاط لكن صياغتهم مختلفة في بلاغ صندوق النقد الدولي عنا 8 نقاط وفي كلام السيدة نمصية فما 8 نقاط، لكن بلاغ الصندوق فيه معطيات ووضوح أكثر بكثير ماللي قالتو السيدة نمصية اللي كلامها ملخصات للبلاغ، اثنين البلاغ متاع الصندوق أوضح في عدد من المسائل الحساسة منهم مثلا كي يقلي صندوق النقد الدولي الإلغاء التدريجي للأسعار المعممة بمعنى الدعم، في الوقت اللي هي ما تقولش الشي هذا، تقول سيتم رفع نهائي للدعم في المحروقات ورفع تدريجي وبالتسجيل في موقع إلكتروني في المواد الأساسية الغذائية، هنا بغض النظر عن هذا الكل السيدة نمصية مازالت ما عطاتنا حتى شي، يعني انت دورك كحكومة شنوة هو الاتفاق، مازالت ما قالتلناش الاتفاق علاش على خاطر كيف ما قلت اللي قالهولنا صندوق النقد الدولي اللي هو إعلان نوايا هو أكثر تفصيل ماللي قالتو السيدة نمصية اللي هي عملتلنا ملخص للبيان في الوقت اللي جاء الوقت بش تحكيلي في التفاصيل، وأنا متأكد ما عندي حتى شك خاطر هاذيا مش النقاط التي تم مناقشتها هاذي التي تم الإمضاء عليها وفما ملحق فني ما عندي حتى شك اللي تم الاتفاق عليه اللي هو غير منشور، هاذاكا أعطيهولي، بالنسبة ليا مازالت ما أعلنتش الحكومة، في الوقت اللي مالمفروض تم الانطلاق في بعض الإجراءات ومنها الإلغاء التدريجي للدعم"...