اعتبر طارق الكحلاوي كرونيكور برنامج في 90 دقيقة على إي أف أم، اليوم الخميس 22 سبتمبر 2022، أن تصريحات رئيس الجمهورية حول محاولة الاغتيال والاحتكار، تشكل مصدر إزعاج وقلق أكثر من نقل غازي الشواشي لخبر تم تداوله حول استقالة أو نية استقالة رئيسة الحكومة نجلاء بودن.

كما أشار الكحلاوي إلى أن تصريحات رئيس الجمهورية حول الاحتكار تسببت في نقص المياه بالمساحات الكبرى حسب تعبيره.
وقال كرونيكور البرنامج:"  ملف غازي الشواشي مش بش تكون فيه أسرار، نعرفو الراجل شنوة صرح، هل ينطبق عاللي قالو غازي الشواشي أنو راهو فما حديث على استقالة رئيسة الحكومة هل ينطبق عليه الفصل اللي توة عداوه عليه اللي هو يقول نسب أمر غير قانوني لموظف عمومي وينو الأمر غير القانوني، قال أنا وصلني كيما يوصل لعديد الناس في الكواليس السياسية المعطى هذا عاودو... نجلاء بودن تنجم تقلق لكن القلق حاجة والقانون والقضاء حاجة أخرى، اللي يقلق أكثر من تصريح رئيس حزب معارض اللي مش قادر يهبط ناس في الشارع، اللي يقلق أكثر تصريحات رئيس الجمهورية نفسها تو جبد الاغتيال، أما اللي يعكر أكثر تصريحات رئيس الجمهورية في علاقة بالوضع الاقتصادي يقوللنا نهار واثنين وتلاثة ويجيبلنا وزيرة التجارة ويقلها احتكار احتكار احتكار ومبعد يطلع الناطق الرسمي باسم الحكومة يقلنا مش الاحتكار ولكن الارتفاع العالمي للأسعار.. هاو اللي يعكر الصفو العام.. تعرف موضوع الاحتكار تو نحنا نهبطو ما نلقاوش الماء، تحب تعرف شنوة السبب أنو الماء ما فماش، لأنو رئيس الجمهورية شد صحيح الاحتكار في الماء هو المشكل، في الوقت اللي معروف الماء بالأساس الاستهلاك متاعو في الصيف، آش يعملو جماعة الماء ينتجو بالطبيعة ما ينجموش ينتجو في الصيف أكهو يلزم ينتجو قبل الصيف بش ينجمو يواجهو الطلب الكبير في الصيف، إذا يلزم يخزنو كي توقف كي السيد في القيروان بعد المرسوم الشهير متاع الرئيس في علاقة بالاحتكار جماعة الماء الكل ما عادش يخزنوا خاطر ولاو خايفين، إذا تصريحات الرئيس متسببة توة في نقص الماء في المساحات العامة، تحب نعطيك تعكير الصفو العام، إي نعم في علاقة بالاحتكار هي المتسببة بشكل رئيسي في أنو الماء ما عادش يتخزن لأنو ولاو خايفين لا يشدو الحبس في الوقت اللي هذاكا هي مستوى الإنتاج يا رسول الله أنو بالضرورة يلزمو يخزن خاطر ما ينجمش ينتج فوق 5 لتر في الثانية ولا درا قداش في الآبار اللي قاعدين يستهلكو فيها"...