أكد طارق الكحلاوي كرونيكور برنامج في 90 دقيقة على إي أف أم، اليوم الثلاثاء 13 ديسمبر 2022، وجود مشكل حقيقي في البلاد يتعلق بما يعرف بالتسيير العام وهو ما يتجلى من خلال نقص سلسلة الإمدادات في كل المواد، لتصبح المسألة أكبر من نقص الأدوية والحليب، أو مشكل لوجستي واتصالي في قطاع الصحة.

وقال الكحلاوي:" واضح اللي فما مشكلة على مستوى لوجستي واتصالي، لكن الأهم هوة اللوجستي، الفعلي، الاتصالي في النهاية مهم أنو يعملو اتصال يقولو شنوة ما فماش وشنوة اللي فما، لكن المشكل اليوم أنو فما نقص واضح، اللي نشوفو فيه في سلسلة الإمدادات في كل شي، مش كان في الدوياات في أكثر من وموضوع، الحليب تاو هاو متواصل عندو درا قداش، المسألة أكبر من مجرد حكاية دوايات المسـألة في علاقة بكيف ما تقول التسيير العام، فما مشكل حقيقي على المستوى هذا وما نتصورش الحكاية خاصة بمؤسسة دون أخرى، البارح نقرا في تدوينة لأحد الأصدقاء بمعهد المحاماة، بش يتصرف في الأشياء الأساسية.. وقيس على هذاكا.. أنا المدة اللي فاتت سمعت اللي صارت إعفاءات، مازلت ما نعرفش مؤكدة وإلا لا في علاقة بالهاشمي الوزير ومعهد باستور... سفيان هاذيكا إشاعة لأنو بعد ما خرجت سمعت تصريح للهاشمي الوزير"...