علق طارق الكحلاوي كرونيكور برنامج في 90 دقيقة على إي أف أم، اليوم الخميس 8 ديسمبر 2022، على تصريحات رئيس الجمهورية قيس سعيد خلال موكب أداء اليومين لأعضاء اللجنة الوطنية للصلح الجزائي.

وقال الكحلاوي:" هذا ملف قعد في الانتظار عدة سنوات ولحسابات وصراعات سياسية ما تمش الحسم فيه بشكل جدي من خلال تشخيص جدي، فعلا فما أموال منهوبة من المال العام قبل 2011 وأيضا بعد 2011، فما مشكلة حقيقة في علاقة بجزء من رجال أعمال كانوا مرتبطين بالسلطة في إطار منظومة كاملة متاع اقتصاد ريع، وكان عندهم طريق سريعة للتمويل البنكي وياخذو فلوس وما يرجعوهاش، هاذي الكل وقائع وحاجات صحيحة ماهيش أوهام، المشكل وين، المشكل أنو بعد مرور كل هذه السنوات، ما انجموش نقولوا أولا أنو عنا تشخيص دقيق بالضرورة، تقرير عبد الفتاح عمر على أهميتو، هو تقرير متاع مرحلة أولى، متاع الانطباع اللولاني مش بالضرورة هو النهاية، اثنين، بعد السنوات هاذيا الكل ماذا حدث؟، جرت مياه كثيرة على عديد مالناس هاذيا، ورجال الأعمال هاذيا، تلاثة توة نجي لمقاربة الرئيس، الرئيس من 2012 كيما قلت قبل يعتبر الموضوع هذا موضوع مركزي وهو مكون في منظومة كاملة، هو بش يمول الشركات الأهلية، الشركات الأهلية هي الأساس الاقتصادي والاجتماعي لفكرة الحكم المحلي والمشاريع التي تنبع من المحلي إلى كذا، يعني منظومة كاملة وبالتالي آلية التمويل أساسا لهنا في الموضوع هذا وحاسب حسبتو على الـ13 ألف مليار، البارح مشهد كان مثير للاهتمام، أولا علاش نحنا لتوة انتظرنا بش يتم الأداء متاع القسم، يعني كأنو الرئيس كي مشى كي النهار لوزارة أملاك الدولة، ما يبدوش كانت محطة مبرمجة، خاطر الوزير ما كانش موجود غاديكا قاللهم وينها القاعة واللجنة، قالولو هوكا فما قاعة آه يلزمنا نعملو لجنة عنا قاعة وما عناش لجنة، كيفاش نعملو اللجنة نجيبوهم للقسم، آه برا عيطلهم للقسم، يعني النقاش الموجود على مستوى طريقة تحضير الموضوع من قبل الرئيس هو جزء من موضوع كامل في طريقة تصرفوا مع الفلوس بما فيها موضوع الأموال منهوبة مالبرة اللجنة اللي عملتها ليلى جفال توة عندها مدة من 2020، شنوة عملت في علاقة بالأموال متاع الخارج، موضوع معقد وفيه حقيقة صحيحة ويستوجب برشا تشخيص حطلهم آجل أقصى متاع 6 شه، لكن في الوقت اللي هو بطيء يدعوهم هوما بش يربحوا الوقت ويسرعوا العملية في الوقت اللي هو سبب في تباطؤ العملية هل بش ينجموا في 6 شهور يعملو تشخيص دقيق ويثبتو ويدققوا في المعطيات وينفذوا ويجيبوا الفلوس أنا أعتقد هذا مسار صعب"...