كشف طارق الكحلاوي كرونيكور برنامج في 90 دقيقة على إي أف أم، اليوم الثلاثاء 29 نوفمبر 2022، معطيات حصرية حول قضية التآمر على أمن الدولة الداخلي والمتهم في القضية وليد البلطي.

وقال الكحلاوي:"  هو تجبد اسمو أول مرة خاطر ما كانش معروف، مر بزوز تجارب حزبية وكان طرف مش بارز شخص هاشمي عموما، ثم يبدو قرب من نادية عكاشة يقول هو أنو في الأبحاث اللي تسربت أنو كان قريب من قيس سعيد، ولكن تعرف برشا ناس قابلت قيس سعيد في الشوارع وحكات معاه وخذات نومروه وكذا...في علاقة بتسريبات نادية عكاشة فما شخص يخدم في السفارة الأمريكية في باريس ، هذاكا دوسي آخر وتاو يجي وقت ويتجبد خاطر الشخص هذاكا مثير ياسر للجدل...توة الموضوع هذا وخلينا نكونو واضحين بغض النظر على شكون تجبد فيه إذا كان الناس اللي تجبدت يلزم يتم التحقيق معاها تمشي تحقق وأكهو عادي جدا، ماهيش نهاية العالم، إذا كان تم التواصل معاه وتحيل عليهم من قبلو هو أنو عن طريقو هو ينجمو يدخلو للقصر آش بش تعمللهم يعني، هنا يلزم القضاء يوضح المسائل هاذيا... اللي بديت نفهم فيه من بعض الاتصالات، أنو هو كان قريب من ناس قريبة من قيس سعيد، ومازالت ربما شاركت في الحملة الانتخابية لقيس سعيد، خلي نقولو منسقين، بما أنو شخص عندو فلوس ويحب يربط علاقات، تعرف لهنا هذا الموضوع اللي نحب نركز عليه راهو البلاد في حالة هشة جدا من الناحية الأمنية، فما هشاشة على مستوى الاختراق، تبدا عندك فلوس وشوية علاقات ساهل جدا إنك تدخل للكواليس مش بالضرورة تقرب لقيس سعيد خاطر هو شخصية ترتاب كثيرا من أي شخص فما بالك بشخص ما تعرفوش، لكن الاقتراب من الكواليس ممكن وخاصة كي يبدا عندك فلوس وتشبيك وكذا حتى وإن كنت في فترة مالفترات السابقة قريب من ناس أخرى ربما حتى معادية لقيس سعيد، إلا أنو ساهل توة بالفلوس أنك تعمل علاقات وداخل أجهزة الدولة"...