اعتبر عصام الشابي أمين عام الحزب الجمهوري اليوم الاثنين 10 أكتوبر 2022، خلال حضوره في برنامج في 90 دقيقة على إي أف أم، أن مسار رئيس الجمهورية قيس سعيد يستهدف التعددية الحزبية والتمثيلية النيابية.

وقال الشابي:"المسار كامل يستهدف التعددية الحزبية والتمثيلية النيابية، رئيس الجمهورية لا يؤمن بالتمثيل بالنيابي وبالديمقراطية التمثيلية، وعمل مسار كامل، ألغى دستور الثورة دستور الجمهورية الثانية، وعمل دستور اللي ضعف فيه دور البرلمان، وأفقدوا دورو الرقابي والتعديلي للسلطة التنفيذية، ألغى السلطة القضائية وركز كل السلطات بين يديه كرئيس السلطة التنفيذية، في مرحلة ثانية المسار يلزمو يستكمل يعمل البناء القاعدي اللي سميناه، هو إضعاف وإلغاء دور الأحزاب عبر سن قانون انتخابي، تعديل قانون اللعبة للتضييق على الأحزاب وفتح المنافسة أمام ما يسمى بالقواعد في المحليات، يعني الأحزاب ما عندهاش حق ترشح للانتخابات هاذي وما عندهاش حق تمول المرشحين متاعهم وما عندهاش حق تقول بحملة انتخابية، هذه الأحزاب اللي قبلت أن تكون طرف في اللعبة هاذي أحنا رفضنا، وقلنا هالمسار هذا هو مسار لتفكيك الدولة المدنية الديمقراطية ومكتسباتها واستغل أزمة حقيقية كانت عليها البلاد لكن الإجابة كانت خاطئة والهدف منها هو إرساء نظام غريب فريد أنا نلخصوا أنو يلخصلنا جملة من الكتاب الأخضر التمثيل والتدجيل من تحزب خان واللجان في كل مكان"...