أكد مبروك كرشيد رئيس حزب الراية الوطنية اليوم الجمعة 28 أكتوبر 2022، خلال حضوره في برنامج في 90 دقيقة على إي أف أم، أن حزبه يساند مقارنة النظام الرئاسي في البلاد، واصفا النظام الذي نعيشه اليوم بالنظام الملكي المنتخب.

وقال كرشيد:" مقاربتنا وراينا مع النظام الرئاسي مش النظام الملكي المنتخب اللي نعيشو فيه... السيد رئيس الجمهورية الصلوحيات التي أحدثها بدستوره المنفرد عطا فيها حصانة كاملة لرئيس الجمهورية الذي يمتلك كل السلطات من أي مساءلة مهما كان نوعها... البارح ترامب عيطولو سمعوه فيما يعرف بغزوة الكونغرس، إذن ما فماش نظام رئاسي لا يمكن الرقابة فيه على رئيس الجمهورية، إذا كان ما فماش رقابة على رئيس الجمهورية يولي نظام ملكي منتخب وربما يعلم ربي تصير انتخابات ولا ما تصيرش، نشوف في تمشي الرئيس إذا كان تصير انتخابات تصير انتخابات صورية... البرلمان ما عادش عندو قيمة في الوضعية الحالية، الانتخابات البرلمانية هي مجرد ديكور سخيف للعملية الديمقراطية، كل السلطات مجمعة بمقتضى الدستور الجديد تحت يد السيد رئيس الجمهورية السيد الرئيس لا رقابة عليه وحتى البرلمان اللي بش يحدث هو برلمان شكلي وتاو نشوفو الصلوحيات اللي بش تعطى للغرفة الثانية أو الأقاليم والجهات وبالتالي أنا نتساءل التوانسة علاش ماشين يصوتوا في انتخابات، وبالتالي أحنا طلبنا من الرئيس في بيان قلنالو أجل الانتخابات ونقح"...