علق مختار الخلفاوي كرونيكور برنامج في 90 دقيقة على إي أف أم، اليوم الأربعاء 23 فيفري 2022، على الاتهامات التي وجهها أمس رئيس حزب التحالف من أجل تونس سرحان الناصري لكل من محمد عبو وأحمد نجيب الشابي.

وشدد مختار على ضرورة اعتبار المعارضة كمكون ثابت في منظومة الدولة، وعلى عدم تخوينها وشيطنتها، أو البحث عما يدينها أو يؤثمها بالحق أو بالباطل.
وقال مختار الخلفاوي متوجها بالحديث لسرحان الناصري:" نتعامل مع المعارضة كمكون كثابت رئيسي في أي منظومة متاع دولة، المعارضة لا تخون ولا تشيطن ولا نبحث لها بالحق وبالباطل عما يدينها ويأثمها ويجعلها من الصائدين في المياه العكرة ومن المتصلين بالسفارات الأجنبية ومن الذين يستقوون بالخارج، هذا المعجم نعرف من أين جاء الاستقواء بالخارج والتمسح على أعتاب السفارات وبيع الذمم، وهذه السرديات نعرف أنها تجي في منظومة سابقة اعتقدنا أنو بعد 2011 أنو قد قطعنا معها.. لأنو تنجم تقول أنو الخيار متاع محمد عبو من المؤتمر من أجل الجمهورية وصولا إلى التعبير الحر اليوم قول عليه أي شيء ولكن لا تنسى أنك تتحدث عن شخص كانت له منازلة على الميدان مع نظام بن علي، مش معناها اللي عندو ارث نضالي مرفوع عنه القلم وحد ما يمسو ومقدس لا ما قلناش، اما ينبغي أن نعرف مقامات الناس.. وقتلي نتحدثو على نجيب الشابي اللي من عام 68 منذ حركة البعث وصولا إلى اليوم ونتحدثو عليه أنو خذا تمويل من عند شفيق الجراية وقالو ما تتكلمش، ما نتصورش شفيق الجراية حشم بش يواجه نجيب الشابي أو غيرو بأنو عطاه ومولو، الحقيقة وعطفا على مقاله سفيان أشاركه تماما، لكن نحط الناس ومقاماتها، وننقدو.. أنا كي سمعت نجيب الشابي حكا على الساك غاضتني ما يليقش بهذا الرجل كثير الأخطاء ولكن كل حاجة في بلاصتها ما نجيش نحط كل شيء ونجي نحسم فيه وأنا عمري نهارين في السياسة أو كنت مع سليم الرياحي في حزب."...
وتابع كرونيكور برنامج في 90 دقيقة:" أحذر الرئيس قيس سعيد من العاشقين الجدد الآن كل يدعي وصلا بقيس ولكن العاشق تفضحه عيونه، قاعد نشوف في ناس مع احترامي للمقامات وللتجارب وللشباب، نكرات مباشرة يدعون وصلا بقيس وهم يضرون بالرجل وبصورته وبعلاقته مع تاريخ تونس وأحنا شهود على تاريخ تونس الذي يمتد إلى عقود وليس إلى أيام أو إلى أشهر أو سنوات قليلة".