أكد مختار الخلفاوي كرونيكور برنامج في 90 دقيقة على إي أف أم اليوم الأربعاء 23 فيفري 2022، أن ما قام به نور الدين الطبوبي يوم السبت الماضي بعد مرور وقت وجيز على إعلان نتائج انتخابات المكتب التنفيذي للاتحاد، دليل على سرعته الكبيرة.

وقال مختار:"دليل سرعة الطبوبي في الفجر نهار السبت الناس كي غير فرزوا وأعلنوا على النتائج في صفاقس والأمين العام جاء في رحلة سريعة، لقاء على الفجاري بينو هو وماجول وفريد بالحاج لأهمية هذا اللقاء على أساس انو لقاء ثلاثي مهم بعد الإعلان بدقائق على نتائج الفرز بصفاقس، وهذا ما عملته من المكتب الجديد للاتحاد العام التونسي للشغل أن أولوياته صحيح أولوية سياسية وأولوية اقتصادية واجتماعية وأولوية ترتيب البيت الداخلي، ولكن الاتحاد يقلك لن يتخلى عن مهمته الرئيسية، بعد لقاء رئيسة الحكومة في القصبة يتحدث أنو الكلفة القاسية للإصلاحات اللي يسميها بالقاسية ينبغي أن يتحملها الجميع لا أن يتحملها الشهار أو المواطن البسيط، يقلك لا سبيل للإجحاف والحيف والمسالك واضحة، عندك زوز مسالك كبار الناس الكل تحكي فيهم وحد ما يقربلهم، وكأنهم أعشاش دبابير، اللي هوما الدعم و موضوع الجباية، كيف نوجه الدعم إلى مستحقيه فقط والجباية المجحفة اللي الناس تقصلهم على شهاريهم من غادي لغادي.. زوز هاذوما الاتحاد كل مرة يذكر بيهم يقلك راهو الدعم نشوفو آلية ونستفيد من الدول اللي فيها رعاية اجتماعية، كيف أنو يجي مواطن عندو سيارة فيها عشرين زايلة، والعادم متاعها دوبل يأخذ نفس البنزين متاع واحد عندو سيارة شعبية بأربعة زوايل، بنفس السعر أو يأخذ نفس الباقات بنفس السعر المفروض يكون عندك عدل في موضوع الدعم وقيس على برشا مواد أساسية أخرى"...