علق مختار الخلفاوي كرونيكور برنامج في 90 دقيقة على إي أف أم، اليوم الجمعة 1 جويلية 2022، على الجدل الذي رافق الفصل الخامس من مشروع الدستور الجديد. 

وقال الخلفاوي:" مالبارح نشوف في قفزات في المجهول يتحدثو عالفصل الخامس وكأنو إشارة إلى أنو ها هو إسلام سياسي حقيقي وهاو يخدم في داعش، شوف الفكر المقاصدي وخليني نتكلم بوضوح، اللي ما يعرفش ما يتكلمش هذا مبحث عندو مختصين يعديو سنوات من عمارهم بش يعرفو الفكر المقاصدي على ما يقوم هو أساسا جواب على سؤال، كيف يمكن أن تكون بعض الاحكام الموجودة في الدين حبينا ولا كرهنا حتى تكون صالحة وتفيض على مكانها وزمانها وتكون قيما كونية كي نرجعو للتواريخ شكون حكا بالفكر المقاصدي خلينا مالطاهر بن عاشور جاء البارح، أليس الصبح بغريب وغيرها قبلو هو الفيلسوف بن رشد هو اللي حكا على المقاصد في الإسلام حتى لا يكون الإسلام مجموعة متكلسة اللي جات جوابا على نوازل في كي الناس متاع القرن هذاكا حتى لا يتصادم، فجعلوا حتى يتكيف مع القيم الجديدة يقلك الفكر المقاصدي، الفكر المقاصدي رفضوه أهل السنة والجماعة يرفضوه أهل الإسلام السياسي في أدبياتهم يقلك لا هذا اجتهاد مبالغ فيه، وقت تحكي تحقيق مقاصد الإسلام قتلك بن رشد قتلك الشاطبي في الموافقات قتلك الطاهر بن عاشور واحد أخير القراءة السهمية لأستاذنا محمد الطالبي بكلهم تحدثوا على كيفاش هذه المقاصد تتوافق مع القيم الكونية لحقوق الانسان"...