عرضت إذاعة إي أف أم اليوم الجمعة 28 جانفي 2022، برنامجا خاصا بالاشتراك مع مؤسسة إي أف أم، حول سبل دفع مناخ الاستثمار في تونس، وقد تطرق المشاركون فيه إلى الإشكاليات الموجودة والحلول الممكنة.

وكان من بين المشاركين الخبير الاقتصادي معز الجودي الذي أكد أن موضوع الاستثمار مهم للغاية نظرا إلى أنه المحرك الأساسي للنمو الاقتصادي.
وشدد الجودي على ضرورة التركيز على مسألة الاستثمار وجعله أولوية قصوى، مبرزا الدور الكبير الذي يلعبه البنك المركزي التونسي في هذا الإطار.
وطالب الخبير الاقتصادي البنك المركزي بضرورة إصلاح مجلة الصرف التي وصفها بالمجلة الفوضوية التي أكل عليها الدهر وشرب.
ولفت محدثنا إلى أن عدم تسهيل المعاملات بالعملة الصعبة، وتمكين المستثمرين الأجانب من تحويل أرباحهم التي يحددها لهم القانون بسلاسة قد يكون عائقا في جلب المستثمرين.
وقال معز الجودي في نفس السياق:" اليوم بش تعمل تحويل بالأورو بين بانكة وبانكة في تونس العملية تنجم تقعد أسبوعين أو أكثر، العمولات اللي تاخوها البنوك عمولات كبيرة ياسر وهذا ما يشجعش لا المستثمر الأجنبي أو التونسي بش يقوم بالتحويلات بالعملة الصعبة، زيد في قانون الصرف فما برشا عقوبات وتنجم توصل للحبس معنتها على 100 ولا 150 يورو زايدين ينجمو يدخلوك للحبس، فما ياسر صعب، الحاجات تطورو في العالم وأحنا مجلة الصرف إلى حد الآن لم يقع إصلاحها، وزد على هذا الدفع الإلكتروني والباي بال والكريبتو موني، اللي هي توة تواكب العصر واللي هي توة الواقع متاعنا وما تنجمش تهرب منو، ما ينجمش يقعد البنك المركزي عندو رؤية فوضوية في الحكايات هاذم لازم ياقع تطور والبنك المركزي يتأقلم مع تطور المعاملات هاذي"...
كما بين الخبير الاقتصادي أن محافظ البنك المركزي مروان العباسي يساند دعوات إصلاح وتطوير منظومة الصرف في تونس حسب ما توفر له من معلومات، إلا أن الإشكال القائم يتعلق بالمنظومة السياسية والتشريعية.