أكد محامي الفنان نور شيبة اليوم الثلاثاء 15 مارس 2022، خلال حضوره في برنامج في 90 دقيقة على إي أف أم، أن قضية موكله عادية ولا يشبها أي خطأ، إذ أن تونس ومحاكمها وسجونها مملوءة بالأشخاص المتهمين في قضايا مشابهة

وقال بن صالحة :"هذه القضية أخذت منحى كبير آخر ونصبت محاكم أخرى على الفايسبوك.. البارح سمعت اللي فما زوز كيلو هيروين تشدو في المنزه وهوما جزء من 200 كيلو داخلين لتونس لكن لا أحد يتكلم".
وتابع المحامي:" فما شيطنة وهي اللي تقلق كي تهتم بانسان معروف وتعرض الموضوع متاعو في إطار تحقيق صحفي ما يقلقش حتى حد لكن إنو ندخلو في الشيطنة وندخلو في كلام يحشم ويولي دور المحامي في تونس وما أدراك ما المحاماة يولي دوره التبول في مكان حريفه، وكي تجي عينة متاع مرا يقولو لا بالكشي قريبة أحد المحامين، لهنا دخلنا في ضرب للمحامي ضرب للدفاع، معناها الطبيب ينجح عملية في القلب المفتوح أحنا ما نحبوش المريض نقتلو الطبيب.. المسألة تتعلق بحق الدفاع أولا ثانيا بالسر المهني، ثالثا بحق المتهم في الدفاع عن نفسو، رابعا لو عندك أي إشكالية اليوم في عينات في خلط في تغيير في تبديل، الموضوع تعهد به القضاء وقاضي التحقيق بمحكمة أريانة، وهي قاضية فاضلة عندها كفاءة وتشتغل بكل حياد وسرية في موضوع العينة، هذا ما يقلقش"...