علق المحلل السياسي مهدي المناعي خلال حضوره اليوم الاثنين 13 جوان 2022، في برنامج في 90 دقيقة على إي اف أم، على مسألة إيقاف الصحفي صالح عطية ومحاكمته عسكريا على خلفية تصريحه الأسبوع الفارط.

وقال المناعي:" فما أطراف معينة غاياتهم واضحة قاعدين توة في السرعة القصوى يعملو في كل شي في سبيل أنو ما نوصلوش لـ25 جويلية، كل مرة يزجو مؤسسة من مؤسسات الدولة هاو جمعية هاو اتحاد هاو جيش هاو كذا كل مرة قاعدين يحاولو يوظفو حاجة لمصلحة أنو يعرقلو المسار متاع الاستفتاء متاع 25 جويلية، المشكل وين توة، الجيش هو الوحيد الضامن للسلم الأهلي في البلاد، إذا نقحمو مؤسسة الجيش في الصراعات السياسية راهو بش ندخلو في مسارات خايبة عاللخر، كيما قال سي سفيان بكري وأنا نشاطرو الرأي راهو نقل المعلومة شي والتصريح برأي أو تعبير أو حاجة شي آخر، المعلومات هاذي راهو كان جات حتى صحيحة نقول والله هو عندو مصادر وواحد لكن أنك تخفي مصادر متاع معلومات هي خاطئة في حد ذاتها شنوة الغاية منها، أنا نحب نسأل سؤال صالح عطية عندما عطا المعلومة هاذيا شنوة الغاية منها شنوة تبعاتها عملش في مخو وقراش حساب شنوة تبعات، فرضا لو كانت صارت حالة تململ مثلا في صفوف الهياكل متاع الاتحاد العام التونسي للشغل وصار تحرك ولا حاجة إي شنوة الغاية منو زعزعة الأمن أي هذا يعتبر خطر ولا مش خطر، اليوم في منطق مش معقول".