اعتبر حمة الهمامي أمين عام حزب العمال اليوم الاثنين 26 أكتوبر 2020، خلال حضوره في برنامج 90 دقيقة على إي أف أم، أن مفهوم الدولة المسؤولة غائب فيما يتعلق بمجابهة وباء فيروس كورونا المستجد.

وقال الهمامي، :"ما عندكش دولة مسؤولة، هاذي هي راهو شنوة معناها دولة مسؤولة على مواطنيها، يلزمك ما ترقدش كي يظل عندك مواطن واحد وإلا مواطنة مريضة ما يلزمش يجيك النوم، لا نحنا المرة اللولى صار برشا عياط لا محالة ونتلهاو، المرة هاذيا هندك رئيس حكومة وبرلمان ورئاسة جمهورية، وخاصة رئيس الحكومة اللي يعيش يعيش واللي يموت يموت، ولينا كالسياسة الملطوسية اللي يشد روحو يشد روحو واللي بش يمشي يموت يموت، هاذي دولة ؟ هاذي حكومة ؟، إذن حنى الحد الأدنى، الواحد حسها في عظامو موش نحكيلك في أمور نظرية، عشنا 5 أيام، راضية دخلت نهار الأربعاء 7 أكتوبر، الأطباء قالوا ما انجمو نطمنوكم كان نهار الاثنين الجاي، شوف انت الكابوس اللي عشناه... وشوف التوانسة اللي عاشوا الكابوس هذاكا...".