علقت سنية الدهماني كرونيكوز برنامج الراف ماغ على إي أف أم اليوم الاثنين 19 أفريل 2021، على الإجراءات الحكومة الجديدة لمجابهة انتشار فيروس كورونا، وأكدت أنه كان بالإمكان القيام بأفضل مما كان ولكن الأوان قد فات. 

وقالت الدهماني، :" اللي نعملو فيه اليوم على الأقل يعطينا إحساس اللي فما حكومة تحاول تعمل حويجات، عرفت كاللي متاع ما عنديش بش نعشيك أما هاني عندي طرف فتفات تو نلموا م الطاولة ونمدهولك أعمل روحك تاكل أحنا هكاكة". 

وتابعت كرونيكوز الراف ماغ، :" حاجة برك لا سماح لا رباح في اللي عملوه، لا سماح لا رباح في التجمعات، لا سماح لا رباح في تسييب الماء ع البطيخ أشهر وأشهر، وأحنا نتفرجو نتهزو ونتحطو في البلاطو هذا قداش من مرة صحنا عيطنا هوما داخللهم من وذن خارجلهم ماللخرى، في ظرف 10 أيام تعدينا من 30 حالة وفاة تقريبا في الـ24 ساعة تعدينا للـ80 وهذا الكل نتيجة سياسات واختيارات، باهي توة قاعدين عاملين رواحكم تعملوا أيا ميسالش هانا أحنا زادة نعملوا رواحنا نقولولكم يعطيكم الصحة...".