وقال العجبوني:" كنا نتوقعوا خطاب آخر من الرئيس بعد غيابو لأسباب صحية، كنا نتوقعوا إنو يخرج للتوانسة بخطاب آخر فيه شوية عقل على الأقل، ولكن للأسف واصل... شطر الخطاب اتهامات وسب وشتم للمعارضة.. ميزانية رئاسة الجمهورية 191 مليار راهو يا سيد رئيس الجمهورية انتخبناك باش تغير واقع التوانسة مش بش تكلاشي المعارضة، مكش رابور انت رئيس جمهورية، عندك سلطات مطلقة بش تغير وضع البلاد بمجرد مرسوم، شنوة المراسيم اللي أصدرها قيس سعيد لتغيير واقع التونسيين باستثناء المرسوم 54 سيء الذكر لتكميم أفواه المعارضة، باستثناء المشروع الهلامي متاع الشركات الأهلية، اللي هو جزء من الاقتصاد الاجتماعي والتضامني بالمناسبة، العشرية السوداء هي اللي أصدرت القانون هذا في جوان 2020 وإلى حد هذه اللحظة ما فماش النصوص الترتيبية متاع القانون هذا، للأسف الشديد، حتى المنصة متاع المبادر الذاتي، إلى حد الآن الحكومة هاذي عاجزة، هذا في العشرية السوداء مشروع المبادر الذاتي، اللي هو مشروع مهم ذو طابع اجتماعي، كيما مشروع الاقتصاد الاجتماعي والتضامني ولكن إلى حد الآن غير مفعلين، ولكن الرئيس لقى وقت بش يعمللنا مرسوم 54، بش يعمللنا السلم الأهلي، والصلح الجزائي اللي توة شرفنا على انتهاء الفترة الأولى 6 أشهر، وتقريب 0 مليم دخل لخزينة الدولة .. ونقلكم حاجة أخرى، "حتى كان صارت معجزة ودخلنا 13.5 مليار دينار واللي هي مش بش تصير، وقلناها هاذيا من قبل، راهي مش بش تحل مشكلة المالية العمومية"...