وقال العجبوني:" مش على خاطر سامية عبو، أنا نقلت تدوينة لصديقي نبيل حجي اللي فيها basta، انتوما شوهتو أكثر مؤسسة في تونس تشوهت اللي هي مجلس نواب الشعب، التعميم اللي صار الحقيقة ظالم خاطر أحنا نسويو ولا نعممو ما بين اللي خدم واللي ما خدمش واللي عكعك واللي ما عكعكش، واللي دخل وعندو إرادة بش يقدم إضافة للبلاد هالتعميم هذا تواصل لتوة، توة المجلس مجمد ليه أكثر من عام، قلنا الرسالة متاع نبيل حجي، اتلهاو باللي يحكم توة باللي عندو كل السلطات، أحنا ولينا في حكم الماضي، وفي الدول المتقدمة سواء الإعلام ولا الفنانين راهم يركزوا على اللي يحكم مش عاللي يعارض، في عهد بن علي كانوا يركزوا عالمعارضين رجعنا توة نركزوا عالمعارضة، يا سيدي أحنا خايبين وفاسدين ومتآمرين ومخمورين واللي تحب انت كي المعجم متاع السيد الرئيس اللي يتقنوا تماما يا سيدي تلهاو بالسيد الفاضل اللي عندو كل السلطات ليه أكثر من عام واللي ينجم يعمل كل شي بالأمن والجيش والرائد الرسمي"...