وقال الغدامسي:" نحنا نستعملو في آليات قانونية، وبش نحضرو قدام التحقيق وبش نقولو برشا حاجات اللي لازمها تتقال من بينها الفصل 45 من مرسوم المحاماة، أنا عندي حصانة وبالتالي حتى حد ما ينجم يبسط سلطتو على مراقبة المرافعة متاعي أولا.. تشكا بيتا وأنا لابس الروبة متاع المحاماة ومتوجه للمحكمة ندافع على منوبي ما تشكا شبيا في كولوا ولا في الشارع ولا في كرهبة.. أنا والقاضية هاذي وهي جالسة مالمفروض هي مش طرف في القضية، هي قاضية بش تحكم بش تفصل، الطرف في القضية النيابة العمومية ومنوبي هاذوما الخصوم، أحنا ندافعو على منوبنا ضد النيابة العمومية انت طرف لهنا مالمفروض تكون موضوعي ومحايد ما لقيناش الشي هذا، غدوة بش نمشيو نأكدو اللي نحنا ماناش غالطين والمحامي ما يغلطش وتقول يشوش في قاعة الجلسة المحامي ما يشوشش المحامي راهو ينظم الدفاع راهو 7 محامين وساعات لجان دفاع فيها بالخمسين محامي، رانا نرتبو مرافعاتنا أمام المحكمة، رانا نحددو كل واحد وين بش يتدخل فانا جزء وفانا مطعن وفانا فصل قدام المحكمة، هذايا إذا هي تجهلو والحقيقة راهي تجهلو تعرفش علاش لأنها في الشكاية بالمحامي القانون يقلك تشكي عند الوكيل العام في الاستئناف هي شاكية بينا عند وكيل الجمهورية في الابتدائية وصحولها هوما الإجراءات، هاذي أبسط قواعد الإجراءات ما تعرفهاش مستأمنينها على حقوق عباد بش تحميهم وبش تحكم بيناتهم"...