وقال الناصري:" رئيس الجمهورية أستاذ في القانون الدستوري راهو ما ينجمش يكون انسان يفهم كل شي ويسير كل شي، عندك حكومة، ما عليه السيد رئيس الجمهورية بالنسبة للشأن الاقتصادي والتنموي في البلاد أنو يجيب معاه كفاءات اقتصادية تخدم الاقتصاد التونسي... ما نيش قاعد نشوف في فريق باهي عند رئيس الجمهورية سواء في الجانب الاتصالي أو في الجانب الاقتصادي ما شفناش مشاريع كبرى في البلاد... خطاب الطمأنة هو اللي حبيناه من السيد الرئيس، السيد رئيس الجمهورية قام بما عليه، ما انجموش نحكيو على اقتصاد وتنمية اقتصادية وتنمية استثمارية واستقرار اقتصادي واجتماعي في البلاد بدون استقرار سياسي... في تونس ضربت ثقافة العمل، اليوم ولينا نستناو في الخبزة الباردة في الفلوس الساهلة وخدمني في الدولة والوظيفة العمومية والمسمار في حيط ما عادش عندك حاجة للمبادرة الشخصية والخاصة، لكن من جهة أخرى، العمل الحكومي فيه إخفاقات كبيرة زادة، انا نقلك رئيس الجمهورية مانيش مطالبو بشأن اقتصادي، مطالب رئيس الجمهورية أنو يهز البلاد نحو الاستقرار السياسي، أنا نشوف اليوم مرحلة الاستفتاء تعدات ونجح الدستور، المرحلة القادمة أهم جدا من مرور الدستور ومن الاستفتاء لأنو البرلمان ومجلس الجهات والأقاليم اللي بش يقع انتخابهم في المستقبل نعرفو أنو مجلس النواب انتخاباتو في 17 ديسمبر إذا ما يتعملش قانون انتخابي جدير بالمرحلة وما يتغيرش قانون الأحزاب وما تصيرش مراجعات لقانون الجمعيات ماهوش بش نعملو حتى شي وبش تعطيني نفس الطبقة السياسية"...