وقال الهمامي:" سي الصادق بلعيد عطا التصريح بالفرنساوية وللخارج، كيما عرفو قيس سعيد يكلم الأجانب ويعطيهم على أحوال تونس آش فيها وأش ما فيهاش، وما يحكيش معاكم انتوما سيدتي، الصادق بلعيد الفصل هذا حكا عليه لشكون حكا عليه للبرة، الشكل عندو قيمة بالنسبة ليا هذا يتناقشوه التوانسة، شكون فيها اللجنة الاستشارية تبارك الله عليهم التاريخ اللي ما يلعنهم واحد واحد أغلبية المنظمات والأحزاب مش غادي، هاذي قضايا علاش قتلك ما يفرحنيش... أعتبر أن التاريخ علم العلوم، بيزمارك وقتلي وحد ألمانيا عمل قانون ضد الكنيسة تعرف أش كان موقف الاشتراكيين واليساريين وقتها اعتبروه هذاكا اللي بش يقوي التطرف الديني ... إعلانات مالنوع هذايا من غير نقاش مجتمعي في القضايا هاذيا، طالبان في 2001 وقت أمريكا هجمت على أفغانستان حتى واحد ما كان يتصور أنو طالبان بعد 20 سنة بش ترجع للحكم، اذا كان انت تحب بالحق تعمل نظام علماني هذا نقاش يلزم يصير في المجتمع وتصير فيه توعية، ياخي قيس سعيد علماني حداثي، تي قيس سعيد مع عقوبة الإعدام ضد المساواة يعتبر العائلة فضاءي خاص الراجل ينجم يشد يهرس مرتو في الدار هذاكا فضاء خاص، خطاب متاع 19 أوت 2020 اللي قامت عليه القيامة، لا قال العائلة ما تخضعش للقانون، الحياة العائلية فضاء خاص، قيس سعيد آش عمل للنساء اللي ماتو وقاعدين يموتو في كراهب النقل وهوما نهار وطولو المرأة الريفية المرأة الريفية، قيس سعيد انسان محافظ وانسان رجعي وصادق بلعيد أداة من الأدوات ودورو استشاري".
وتابع ضيف برنامج في 90 دقيقة:" فما لعبة يلعب فيها قيس سعيد، قال لا يمكن أن نقول أن الدولة لها دين، أما ما قالش شنية، الجملة هاذي أنا كتبت عليها مقال متاع نصر حمدة بوزيد قال الدولة ما تمشيش راهي نهار الجمعة تصلي الدولة ذات معنوية أما شنوة النتيجة متاعها، نصر حمدة بوزيد قال المقولة هاذيا اللي خذاها قيس سعيد بش يقول البوليس والإدارة والدولة ما تتدخلش في خشاخش الناس، لكن في نفس الوقت قيس سعيد يقول في الكلام هذا وفي نفس الوقت هو ضد المساواة ومع الإعدام ويدافع على الشريعة إلى آخره".