وقال الطريفي:" فما كذلك الاقصاء السياسي، فما ناس ارتكبت جرائم في حق الشعب مسؤولة سياسيا، سامحني وقت حركة النهضة صاروا زوز اغتيالات وهي وقتها وزارة الداخلية عندها وزارة العدل عندها ورئاسة الحكومة عندها فهي مسؤولة سياسيا عالاغتيالات وعالإرهاب وعالتسفير وعالمشاكل الاقتصادية والاجتماعية... الاقصاء صار عنا في 2011 وتم اقصاء تجمعيين وقائمة المناشدين واللي كانوا ساهموا في دكتاتورية بن علي مال ترشحوش في انتخابات 2011 صار علاش ما يصيرش هذا... اثنين: ساهل ياسر اليوم لشخص ماسك السلطة وعندو كل الصلاحيات والسلط في يدو أنو يعطينا تقرير متاع الحقبة الزمنية اللي تعدات 10 سنين، معناها العباد عاثت فسادا في الدولة وباعت البلاد معناها والصفقات والمارشيات وكذا وفساد سياسي وتعيينات إلى آخره من الجرائم الأخرى ساهل رانا اذا انسان ماسك السلطة اليوم بعد 9 شهور من 25 جويلية إنك تطلعلنا هذا للسطح بش التونسي حتى ولو أنو ما استثنيناهمش سياسيا يعرف شكون يختار المرة الجاية... رايي الرئيس هو اللي يقرر الإقصاء السياسي أما يكون على أساس ضوابط، الاقصاء السياسي انبثق عن الهيئة العليا لتحقيق أهداف الثورة والانتقال الديمقراطي والإصلاح السياسي الهيئة الكبيرة متاع سي عياض بن عاشور أنا زادة كيف كيف طرحت اليوم في غياب برلمان علاش يا سيدي ما نلمدوش في إطار حوار انجموا نقعدوا كل يوم نحكيوا في الشأن العام، هذا اللي يتحكا في البلاتوات والتلافز ماناش بش نستثناو دوركم كسلطة رابعة مازالت مستقلة بين ظفرين، هذا الكل المواضيع هاذي تتحكا في إطار برلمان كبير يكون ممثل فيه شرائح المجتمع المدني الكل والطيف المدني والسياسي الكل".