وأشارت محدثتنا، إلى أن الفتاة مختفية منذ يوم 10 أكتوبر، وأنها تعاني من حالة نفسية سيئة، وقد أثر عليها شاب سابقا في السنة الفارطة، وأخذها معه إلى منزله وأخفتها والدته ورفضت تسليمها واستعانت بالقوة العامة لاستعادتها.
وقالت المواطنة:" أنا اللي ريتو فما تهاون من الأمن لا لوجو على بنتي بعد نهار ولا نهارين أدرجوها في البحث وقالولي هايكا في البحث ووقتلي يشدوها الفرقة يجيبوها، أنا كيف شفتها خرجت انسانة طبيعية ما عندهاش مشكلة هروب ولا عاركت ولا نطرت عليا ولا عنا مشكلة خرجت عادي بش تمشي تقرا، لا انجم نقول بنتي هربت لا انجم نقول بنتي تخطفت، ما نعرفش خاطر بنتي خرجت عادية جدا مالدار، بالنسبة لتاليفونها نلقاها تكونكتي شوية ماللول ومبعد يتسكر وتاو عندها 3 ولا 4 أيام ماعادش... هي عندها مدة ماللي يصيرلها التنمر منذ 3 سنين فما ولاد وبنات وين يتعاركو معاها يقولولها برة امشي لوج على أمك، هي بنتي بالتبني... 17 يوم أنو الحاكم يوصل ما يجيبلي حتى خبر ويستناني أنا بش نمشي ندور ونجيبلو خبر سامحني زادة، أنا انت تقلي كان سمعت حاجة إيجا قلي، بنتي عمرها 16 سنة وعندها حالة نفسية وماهيش في وعيها تاعبة، عندي متابعة نفسية توة عامين... إن شاء الله يلقاوها وإن شاء الله الحاكم يتحرك شوية ويلقالي بنتي"...