من جانبه قال خالد البلومي رئيس تنسيقية ولاية أريانة:" الإدارة مش تقوم بواجبها، القرارات الصادرة من وزير النقل تتعطا للإدارات التونسية اللي الله غالب مش قاعدة تقوم بواجبها، نحنا اللي رابطنا توة في إسناد الرخص واللي موقف حالنا في 5 قطاعات، مش كان في التاكسي الفردي برك، كيما الجماعي كيما اللواج كيما النقل الريقي كيما التاكسي السياحي، الأمر هذا يضبط إسناد التراخيص، أمر 2202، خرج من وزارة النقل، عمانا عدة وقفات قدام وزارة النقل ومحاضر جلسات، قاللنا الوزير راهو الأمر مشا لرئاسة الحكومة، بعد ما مشا للمحكمة الإدارية وصادقت عليه الأطراف الكل قعد كان على إمضاء فقط، الإمضاء هذا توة عندو اكثر من شهرين، في اليوم في غدوة.. لا حياة لمن تنادي، على فكرة الأمر هذا راهو عالق عندو أكثر من عام ونص، عنا 550 رخصة قاعدة تتسند على تونس الكبرى، إلى جانب الولايات الداخلية الكل اللي هي بيدها عندها رخص على نفس الأمر هذا، نحنا راهو جينا اليوم وتلمينا كمهنيين، على خاطر بالحق توة لا يزي قاعدين نتعرضو لحملة شيطنة في التلافز والإذاعات وفي الكياسات مع المواطنين بسبب حاجات مش أحنا نقومو بيها مهنيين فعليين، قاعدين يقوموا بيها الدخلاء، وأكثر ناس تعرف أناهم الدخلاء هوما أصحاب القطاع اللي هوما التاكسي الفردي...".