وقال العشي:" رئيس الجمهورية عمرو ما يحكي من فراغ تجيه تقارير يومية على كل شي، ومن بينها مسألة اختفاء بعض المواد الأساسية والارتفاع المشط في الأسعار... رئيس الجمهورية كان واضح جدا في كلامو أنو فما تعمد في إخفاء بعض البضائع وأنا أعرف جيدا أنو من خلال بلاغات وزارة التجارة وفي برشا مناطق أنو مشاو عملو حملة على بعض الأماكن ولقاو 18 طن من السكر مخفي بقعة في ولاية... ظاهرة مسألة متعمدة، اللي يصير شوية هكا وشوية هكا... معناها تونس الإمكانيات المادية ضعيفة وقتلي السكر والزيت وحاجات قريب توفا وتونس ما عندهاش إمكانيات في الوقت هاذاكا بش تجيب مالبرة ولا تستنا في البضايع بش تجي مالبرة فما ناس موجودين حتى في الإدارات، السكر اللي بقا وبش يقع بيعو للتوانسة يقع إخفاؤو من قبل ناس عندها مصلحة لضرب رئيس الجمهورية... برشا ناس موجودين في الإدارات مازال عندهم ولاء للناس اللي كانت موجودة في السلطة السابقة اللي ضد رئيس الجمهورية إذن ما همش بش يبقاو فرحانين ياسر بالرئيس كي يلقاو فرصة كيما هكايا بش يكملو عليه فما ناس تعرف بالضبط شنوة اللي موجود في المخازن متاع السلع في تونس ويستغلو فرصة أنو تونس تستنا في السكر والزيت والقمح، وهذا المقصد متاع رئيس الجمهورية، والحمد على كل حال بدينا بالشوية بالشوية نخرجو منها الحكاية هاذيا، اللي عملوه ورغم هذايا التوانسة وقتلي تحكي معاهم يقولو خبيت السكر وخبيت غيرو نحنا مازلنا لنا ثقة في رئيس الجمهورية".