وقال المليكي:" في تقديري ما عملو رئيس الجمهورية الكلها رسالة متاع تواصل، للأسف أنو الرسالة اللي حب يوصلها رئيس الجمهورية دارت عليه، لسبب بسيط أنو السلوك هذا متاع السلطة في بالنا وفى، أنك تحكي على زيارة فجئية ومبعد تطلع مش فجئية، وتمشي لحانوت وتلقاه مرصف ومنظم السلعة وقاجوه حاضر وزيتو مريقل وكل شي، تعطي آثار عكسية خاطر تمشي ديما عند المواطنين في معنى الاستبلاه، معناها تستبله في المواطنين وهاذي كانت قبل تتعدى مش خاطر الناس ما يفيقوش، يفيقو قبل لكن ما عندهمش وسائل تواصل اجتماعي ومعارضة وإعلام  ينجمو ينبرو على الشي هذا، أنا ما قلقتنيش كي شفتها في حدود تونس أما كي شفتها في الإعلام الأجنبي في الخارج يتندرو بيها ويحكيو بيها ولات توجع شوية، المفروض تجاوزنا المرحلة هاذي في تونس وماذابيهم السياسيين والمسؤولين خاصة في الدولة يتجنبو الحكايات هاذيا هاو نمشي نخلع مخزن، نمشي ندخل على دبو، معناها تجاوزناه الشي هذا في تونس، ماذابيه رئيس الجمهورية يفكر في طريقة اتصال أخرى تنجم تخاطب عقول المواطنين، الزيت فما ولا ما فماش هاذيا مسألة عقلانية مش استعراضية، الحديد موجود ولا مش موجود، عنا فلوس ولا ما عناش هاذيا مواضيع تتحكى بشكل عقلاني ما عادش العالم يحكي فيها بالشكل الاستعراضي هذاكا".