وقال المليكي:" المرسوم 30 اللي عملو رئيس الجمهورية عمل لجنة استشارية في المجال الاقتصادي والاجتماعي حط في الفصل 8، قال اللجنة هاذي مكلفة بإعداد مقترحات على ضوء الاستشارة الوطنية ومطالب المواطنين نهار 17 ديسمبر معناها 18 لا 19 لا لا سيدي بوزيد لا قصرين لا حتى شي نهار 17 وأكهو، أنا بالنسبة لي ما نشوفش اللجنة هاذي عندهاش أهمية أولا على خاطر كان يحبو يعرفو الاستشارة، الاستشارة موجودة عند رئيس الجمهورية أنا أش مدخلني في الموضوع هذا، ثانيا كونها لجنة سرية ما فهمتش علاش لجنة سرية والمداولات متاعها سرية تتحدث في شأن عام المفروض يتحدثو فيه الناس بشكل علني وتسمع المواطنين ثالثا ماهيش تقريرية استشارية معناها ينجم يأخذ بيها الرئيس كيما ينجم ما ياخذش بيها ورابعا المناخ العام في تونس توة ماهوش متاع نقاش عالوضع الاقتصادي والاجتماعي في ظرف 10 ولا 7 أيام ولم ناس في قاعة وتفضل سيدي حاضر يا شكاي أعطيني مقترح وامشي على روحك، أنا لقيتو اللي غير مناسبة غير ملائمة، وواضح إنو المرسوم يتحدث على لجنة لصياغة دستور وكايني اللجنة هاذيكا تزادت زيادة واللي غاضني أكثر من هذا أنا ما حضرتش أما اللي غاضني كان ممكن رئيس الجمهورية يتنقل نهار افتتاح أشغال اللجنة هاذيا على الأقل كي يستدعا عباد يمشي يسلم عليهم ويتمنالهم التوفيق في الأعمال متاعهم معناها حتى رئيس الجمهورية ما مشالهمش بش يسلم عليهم"...