وقال الرقيق:" قد عدد القضايا اللي عند الغنوشي قد ظهورو الإعلامي في بلايص توزن مليح وأغلبها خارجية ... الحياد والموضوعية آش يقلي، يقلي هذا يخدمنا كتوانسة يعني القضائي يخليلنا مسار المحاسبة يمشي والإعلامي متاع الغنوشي راهو يحيلنا مباشرة وخدمة للمسار الديمقراطي التونسي اللي يشكك فيه الغنوشي يمشي واللي يشككوا فيه عديد السياسيين هاو الغنوشي بكل القضايا اللي توصل بعضها لتبييض الأموال ودعم أنشطة إرهابية قاعد يحكي في فضاء مفتوح يمارس في النشاط السياسي أكثر من الحرية بمحطتين، حتى ريحة اللوبيينغ واضحة، لكن الغنوشي وغير الغنوشي... نحب ناخذ زاوية حكا عليها هو، قال فما ناس توانسة تتمنا نهار من أيامات العشرية السوداء، وهنا أصاب الهدف، أنا واحد مالناس نتمنا نهار من أيام العشرية السوداء، تعرف أما هو، هو آخر نهار في العشرية السوداء، كي النهار هذاكا قعد محفور في ذاكرتي وقعد محفور فيه برشا دروس هو نهار 25 جويلية 2021، مالعشرة متاع الصباح حتى للتسعة متاع الليل وقتلي وفات العشرية السوداء في خطاب الرئيس قيس سعيد، اللي أعلن فيه الإجراءات الاستثنائية، نهارتها هو لو كان قرا المسألة بطريقة أخرى، تعرف شنوة اللي صار في النهار هذاكا وأكبر درس ممكن نخرجو منو مالمرحلة، شفنا عباد تعدات من دون ما يتم ملاحظتهم في الإعلام وعند السياسيين، عباد شبيبة لاهي منظمة ولا عندها فعاليات ولا فلوس ولا حتى شي، شيعملوا الشبيبة هاذوكم يغيروا وجه الحياة السياسية التونسية 180 درجة يمشيوا طول للهدف اللي هو مقرات حركة النهضة يطيحوا اللافتة متاع الحركة كإيذان بعصر جديد وهذا لو كان قراه الغنوشي ربما يفهم درس من الدروس أو ربما يخضع عشريتو لميزان البراغماتية وميزان الأرقام، خاطر سي الغنوشي اللي حكا عالعشرية المزدهرة لو كان نقلو على الأوهام اللي باعها هو برك مش حركة النهضة على كلية الطب بمدنين مثلا اللي هي توة تزدهر والطلبة قاعدة تسجل فيها ما فما حتى شي على السبخة اللي يرتع فيها الوشواش وجميع أنواع البراغيث وحب يرجعها منتجع سياحي ما فما حتى شي عالويفي اللي بلاش، على الشغل لكل مواطن على الحياة الكلها، وقفوا التوانسة نهار 25 في هاك الصباح، الشباب نفسهم اللي عملو 17 ديسمبر ضد الفقر لقاو ما فما منو حتى شي، عاشوا في الوهم، أنا نقلوا إذا كان أحنا قيمناك بالغالط بالكشي يا خويا الله غالب هذاكا جهد بشري.. فما واحد قيادي نهضاوي نشر تدوينة مؤثرة جدا اسمو مراد حيدر بعثها رأسا للغنوشي قالو ياللي علمتنا مالصغرة فلسطين، ياللي علمتنا الإسلام ياللي علمتنا القيم، راهو قمنا لقيناك تبيع وتشري في الخارج ولقينا رواحنا أحنا معذبين باللي علمتنا الوعود باسم الأخلاق وكذا راهو قمنا نلقاو بلادنا تهتكت، أسمع كريم المثلوثي متاع باب سويقة اللي قال أنا صغير نقرا قاصر شدوني وحضروني ومشيت فرقعت وعملت ولتوة نادم ما ينجمش يغزر في وجوه الضحايا، عندو 40 سنة يصنع في الإرهاب وفي المفاهيم الإرهابية وعندو 40 سنة ما ينجمش يعديهم عالتوانسة على خاطر التوانسة درسوا الإخوان أكثر ماللي درسوهم المصريين والأردنيين وغيرو وتعاملو معاهم بطريقة، انا نقلك البلاد هاذيا في فترة بورقيبة وفي فترة بن علي وفي فترة اعتصام الرحيل كل مرة يخرجو الإخوان بطريقة أخف الأضرار وبطريقة سلسة وأقل دم وأقل مصايب لأنو في كل منطقة عاشو فيها صراعات إلا ولات ضرب كرطوش وغيرو، أنا راشد الغنوشي أعتقد نعترفولو أنو صانع محتوى سياسي وأنو يملك من العلاقات والأموال ربما مازالت حتى بعد تجميد أرصدتو بش يعمل برشا حوارات ولكن مع شكون تتكلم مع التوانسة؟ وقت اللي ما فماش سبر أراء واحد وخرك على 80 بالميا في نسبة الكره، يا أخي تي ما هو فما واقعية يلزمو ينظر بمنظار واقعيتو وينطر لناسو اللي هاربة منو آش تحكي، يلزمو ينتظر للـ100 اللي هربو وعملو حزب وحدهم آش يحكيو، يلزم ينظر لعماد الحمامي أمس أش يحكي أسمع هاذوكم يا سيدي أحنا بالكشي عنا أمور إيديولوجية واستئصالية".