وقال الرقيق، :" الرداوي مش يحكي على مسؤولية فردية... هو قال حمادي الرحماني وأنا تفكرت، شفتلو زوز تدوينات، وحدة ينعت فيها من صوت ضد البشير العكرمي في المجلس الأعلى للقضاء بالتجمعيين وجماعة بن علي وشعب وغيرو، وتدوينة أخرى يحكي فيها على قيس سعيد المنقلب، وقضاء بن علي سيصبح قيس سعيد، بمعنى كاينك تسمع في واحد من جماعة روابط حماية الثورة يعمل في مداخلة في الاجتماعات اللي يشعلو شعلان وهاو تاو نهدو ونعملو كذا".
وتابع كرونيكور برنامج في 90 دقيقة :" الرداوي حب يقلهم راهو الناس الكل تعرف بعضها في تونس والناس الكلها بتوارخهاوهاو شكون خدم مع السلطة وشكون ما خدمش وهاو شكون أصدر أحكام باسم قضاء جائر وشكون ما أصدرش وهاو شكون حكم في الحوض المنجمي وراكم الكل كنتو في نهاية الأمر تظلمو في الناس، اليوم حمادي الرحماني وأنس الحمايدي يؤكدولي إنو فما تجبه غير مهني ضد قرارات الرئيس قيس سعيد، يعني تسمعو الاسم قاضي والكلام متاع تيار سياسي يحب يطيح قيس سعيد ومؤسسات، وبالنسبة لجمعية القضاة كي تقلو استقالولك 5 من الناس لأنهم يطعنوا في مصداقة انخراط الجمعية في المسار المضاد، تقلي استقالات عادية، وهي في الحقيقة يلزمك تفهم إنو ولا عنا انقسام سياسي حول القضاء ما يلزمش القضاة يحكيو عليه، يحكيو عليه السياسيين معقول أما تجي قاضي تنخرط في معركة وهاي سلطة انقلابية وغيرو ناقصك كانشي تهز درابو"...