وقال الرقيق:"أي طرف وطني يعرف اللي ما انجمو نمروا من الأزمة المالية الخانقة هاذي وم المديونية والهم اللي أحنا فيه إلا بتضحيات، بمعنى مش بش ناخذ اللي نحب عليه الكل، ويلزمني نعمل من الإصلاحات ما يخليني 3 أو 4 سنين في شوية صعوبات بش انجم نوصل .. أحنا ندخلو الناس الكل مع بعضنا على قاعدة بش ننقذو بلادنا ثم أنا عندي مطالب ما نتنازلش على الأجراء والفقراء ثم المطالب هاذي كيفاش تنجم تحققهالي إذا أنا ستنيت عليك 3 أو 4 سنين ولا عملنا تزمين معين في الزيادات، أو جمدنا شي ثم عاودنا أحييناه، بمعنى أنا ماناش بش نمشيو عنا حاجة كل واحد بش يأخذ منها شي، لا أحنا بش نمشيو كاسة فارغة ويلزمنا وثيقة نقنعو بيها صندوق النقد الدولي أنو فما عقد اجتماعي بين الأطراف حول هذه الاصلاحات بش تسهل علينا دخول الأموال.. أنا نعتقد الاتحاد بعث ورقة رابحة في وسط كلامو لرئيس الجمهورية وعاودلو رسالة أخرى على خاطر الاتحاد في نفس الخطاب اللي يصعد فيه في اللهجة يقلك أنا منظومة ما قبل 25 جويلية شيطنت الاتحاد، فإنو حط روحو قدام الجميع بما في ذلك رئيس الجمهورية أنو بش يخمم في بعد 25 مش في اللي قبلو، بمعنى يقلو أنا طرف جاهز اليوم بش نتعاون ولكن هذا التعاون ما يتمش على حساب تغييبي من المشهد السياسي"...