إعلانات
زياد الملولي: نحوسو مع الحلوف والحيوانات ووزيرة البيئة تقول نعملو استشارة
أكد الناشط بالمجتمع المدني في صفاقس زياد الملولي اليوم الجمعة 27 ماي 2022، في برنامج في 90 دقيقة على إي أف أم، أن البيان المشترك الذي صدر اليوم من قبل المكاتب الجهوية للمنظمات الوطنية وجمعيات المجتمع المدني موجه بالأساس إلى وزيرة البيئة التي قررت بعد 9 أشهر القيام باستشارة موسعة حول الوضع في الجهة.
وقال الملولي:" نحن في صفاقس عايشين في كارثة بيئية بأتم معنى الكلمة نحوسو مع الحيوانات مع الحلوف مع الكلاب السايبة مع الوشواش مع دخول الصيف مع الحشرات الكل والزواحف الوزيرة ترقد وتقوم وتقول إنو بش يعملو استشارة موسعة... البيان كان موجه ليها بالأساس ولرئيسة الحكومة السيدة بودن ولرئيس الجمهورية، نظن الرسالة واضحة اليوم صفاقس موحدة خاطر حبت وزارة البيئة تلعب على القسمة يحبو يحيروا مواضيع أخى، اليوم ظهرنالهم بالإمضاء على البيان .. من هنا ل2 جوان بش تكون حركات تصعيدية إلى أن ناخذو حقوقنا اليوم ما طلبناش حاجة جديدة الدستور معلق ولا مش معلق الفصل 45 يقول العيش في بيئة سليمة، الدولة تخلات علينا في الظروف هاذي، تكلمنا قلنا هزو الزبلة صورنا الاعلام دز معانا وبعد القطرة اللي فيضت الكاس الوزيرة تحب تعمل استشارة موسعة خاطر التحركات بدات".
