وقال سعيدان:" ... يلزمنا نتساءلو أحنا فعلا نحبو نصلحو بلادنا وإلا لا، ما فماش حلول استعجالية ما يسمى بالحلول الاستعجالية انتهى، إما أو ندخل فعلا وبصدق في عملية إنقاذ ما قلتش إنعاش خاطر كلمة إنعاش ما عادش تأدي، عملية إنقاذ فعلي لهذا الاقتصاد وللمالية العمومية وللتجربة التونسية برمتها وإلا فلا، إذا كان نشوفو مثلا اللي صار مع صندوق النقد الدولي واضح أنا مش قاعدين نقدمو، اثنين وقتلي نشوف أنو ميزانية الدولة اللي فيها 15 إجراء لإنعاش الاقتصاد التونسي ولم يتم تفعيل أي إجراء إلى يوم الناس هذا، وقت نشوف أنو وزارة الاقتصاد والتخطيط تعلن يوم 1 أفريل على 42 إجراء لإنعاش الاقتصاد التونسي ما فيش حتى إجراء تم تفعيلو إلى يوم الناس هذا، وقت نشوف المسؤولين الأجانب يتساءلوا بنفس الطريقة العديد من المؤسسات تعمل في تقارير متواترة على تونس وتقول ماذا تنتظر السلطات التونسية للقيام بالإصلاحات، مسؤول سامي بصندوق النقد الدولي قال كان تونس رابطة الإصلاحات بتقدم المحادثات التقنية فهذا غلط، تونس عليها أن تقوم بإصلاحاتها مهما كان مآل المحادثات أو المفاوضات مع صندوق النقد الدولي"...