وقال بن حميدة:" انجم نتفق مع رئيس الجمهورية في أنو فما مناوئين وفما عباد تتعامل مع لوبيات، وفما عباد توزع في الفلوس وتحب تعطل البلاد وعندها تعامل مع أجهزة داخلية وخارجية، لكن وقتلي رئيس الجمهورية يعيط لوزير الداخلية ومدير الأمن الوطني، وقبل بجمعة يعيط للكبايرية متاع الأمن والعسكر وهذا الكل مازال ما ينجمش يقوللنا عليهم شكون؟، أولا في مكافحة الفساد من أهم الوسائل هي التشهير في انتظار أنو القضاء يتعافى ويولي يخدم على روحو، ثانيا عدم الإفصاح عن هوية هؤلاء الفاسدين تخلينا نشكو، يطلعش رئيس الجمهورية خايف من المرسوم 54 وتحديدا الفصل 24 منو، يطلعش متوجس من وزيرة العدل مدام جفال لا تسيب عليه النيابة العمومية، يا أخي راك رئيس جمهورية راك انت اللي حاططهم غادي، راك عندك في الدستور اللي عملتو انت حصانة تامة، إي قوللنا عليهم الناس هاذوما خلي أحنا نساندوك، خلي أحنا نبعدو عليهم، بالكش يعرضني في الشارع نسلم عليه وأنا ما نحبش نسلم على واحد فاسد"...