وقال بن حميدة:" اللي يرفع الحصانة على القاضي هو المجلس الأعلى للقضاء، والمجلس باعتبار أنو نصبهم رئيس الجمهورية، المجلس بطلب من وزارة العدل اللي هي بايدها تحركت بطلب من رئيس الجمهورية، رفعت الحصانة على قاضي سي أنس الحمادي اللي هو رئيس جمعية القضاة، هوما قالولو لأنو وقف جلسة لكن كيما كان يشير طارق رئيس الجلسة بيدو قال لا راهو ما صارش هذا، لكن ولات هاذيا أمور ثانوية بالنسبة للرئيس الحكم، الأمور الأساسية هي هرسلة المعارضين وهناك هرسلة حقيقية كل يوم تزيد تكبر بالمرسوم 117 بالمراسيم الأخرى وتوة آخرهم المرسوم 54 والفصل 247، معناها البلاد قاعدة تمشي وتتسكر، أسس الاستبداد والدكتاتورية قاعدين نركزو فيهم بوضوح قدام العباد الكل، وبوضوح الحركة القضائية اللي هي من استقلال البلاد لليوم كل عام تصير السنة رئيس الجمهورية اقتصرها فقط في تعيين الملحقين القضائيين الجدد خريجي المعهد، اقتصرها معناها الباقي مش بش يصير.