وقال بن حميدة:" هاذي حكومة في حاجة تأخذ المصادقة من صندوق النقد الدولي... ما نعرفش عنا اختيار وإلا لا، ديما عنا الاختيار، وشفنا دول اللي وضعيتها الاقتصادية أصعب ببرشا وقررت في وقت من الأوقات أنها ما تمشيش لصندوق النقد الدولي... يعني فما ظروف تخليك تقبل وفما ظروف تخليك ما تقبلش، لكن عنا ديما الخيار، وأي خيار نعملوه راهو بش يخلص عندو الثمن متاعو... الحكومة قررت وعملت خيار إنها تمشي لصندوق النقد الدولي وبش تعطيه برنامج اللي أحنا ما نعرفوهش في مرحلة أولى، وفي مرحلة ثانية دخلو في تفصيلات البرنامج وفي محاورو، إذن تقدمت المفاوضات وأحنا باقي ما فيبالناشن المرحلة اللي بعدها بش يصير اتفاق على تفاصيل البرنامج وأحنا باقي ما في بالناش، وأكثر من هكا بش يخرجولنا مبعد الفطاحلة هاذم يعني وزيرة المالية ورئيسة الحكومة والناطق باسم الحكومة وربما رئيس الجمهورية وإن كان تقولش عليه بعيد على الموضوع باش يقولولنا اللي راهو اللي عملوه قرارات سيادية وطنية تهم مصلحة الشعب اللي هو بش يزيد يتفقر"...