وقال بن حميدة:" نعتبر منع شخص من السفر مهما كان حتى نور الدين الخادمي اللي هو من مشجعي تسفير الشباب في سوريا، ما عندكش الحق بش أنك تمنعو من السفر من دون إعلامو بموضوع المنع، في أكثر من مناسبة يقولولو لا وما يعرفش علاش... المهم أنو تصرف الدولة فيه عدم احترام للإجراءات والناس وفيه تذبذب، معناها ترقيع، هاو نعملو شي ومبعد نخرجو بيان، هذا ماهوش معقول والدولة يلزم تحترم روحها وتحترم مواطنيها، اليوم ولات الأمور أوضح شوية، خلينا مالاجراءات تنجم تكون فما إجراءات خاطئة لكن في الأصل فما شكاية لدى القطب القضائي لمكافحة الإرهاب، توة ولينا نعرفو، سي سمير ديلو ما حبش يقوللنا شنية الشكاية وعلى النيابة العمومية أنو تنيرنا لأنو ماذابينا نعرفو وكل واحد يعمل فكرة واضحة للموضوع، القانون مبعد بش يأخذ مجراه، هاذيكا عركة بين النيابة العمومية والمحامين توة تتصفى في إطارها، لكن الناس بما أنها هي ولات قضية رأي عام، النيابة العمومية اليوم واضح جدا أن هيئة الدفاع تحب تركز كان على موضوع المنع من السفر، على النيابة العمومية أنو تعطينا الجانب الآخر اللي هو موضوع المنع والأسباب التي دفعت إليه أي الشكاية ونوعيتها بش أنو قضية الرأي العام هاذي تتوضح للناس وكل واحد ينجم يبني موقفو الخاص".