وقال بن حميدة:" اللي مقلقني أنو رئيس الجمهورية ما غيرش الخطاب متاعو، قبل ما يمشي لواشنطن كان يقول لا ما نمسوش الدعم والمؤسسات العمومية، لكن كي انت قلتو في أمريكا وكردة فعل.. كنا نحكيو أنو ما فماش ارتباط كبير بين تأجيل نظر صندوق النقد في ملف اتفاق تونس وزيارة رئيس الجمهورية، وأنا نعتبر بطريقة أو بأخرى على المستوى هذاكا فما علاقة وتصريح رئيس الجمهورية جاء يأكد على أنو فما علاقة مباشرة المرة هاذي لأنو ردة فعل.. اللي مقلقني هو أنو تصريح رئيس الجمهورية علنا ورسميا ومن خارج تونس هو إنكار لموقف الحكومة متاعو.. كي هو إنكار الخطوة المعقولة الجاية اللي حقها جات مالبارح ولا اليوم يلزمها تجي اليوم هي إقالة أو استقالة حكومة بودن ما عادش ممكن الحكومة هاذي تستمر إذا كان رئيس الجمهورية أعلنها وخارج تونس أنو راهو ماهوش موافق كل التمشي متاعها على المستوى المالي.. هذا منطقيا لكن في تونس المنطق ما هوش نفس المنطق عندنا وعند السلطة"...