وقال بن حميدة:" تصريح الناطق باسم الحكومة المغربية ما يعمقش الأزمة، يخليها قايمة، تي هات نقول الأمور كيما هي، المغرب لأنها عندها مشكلة مع البوليساريو تعتبر أن الأمر خطير ومس بمصالحها وهذا صحيح، لكن المغرب ماهو عندها مصالح تدافع عليهم أنا نتفهم الموقف متاعها، لكن المغرب كي دافعت على مصالحها مشات للأقصى راهو مشات طبعت مع إسرائيل ما تنساوش وأحنا وأحنا شعبا وقيادة كيما يقولو في العهد البنفسجي قلنا تعرفش كيفاش، هات نغصو بيها الحكاية وماناش بش نعطيو موقف علني لكن أحنا زادة عنا مصلحتنا، مصلحتنا مش أنو الاتحاد الإفريقي يستدعى طرف وأحنا نقلولو لا ما نستقبلوهش لأنو المغرب توا تتغشش علينا، ثم أنا نحنا عنا مصالحنا، تقلي انت أنو نأتمروا بأوامر الجزائر وإن كان كلام مردود على أصحابو، أما لا أحنا عنا مصالح مع الجزائر وطبيعي جدا أنو بش نراعيو مصالحنا، ماو هذا يلزمو زادة يتقال من حقنا أنو نراعيو مصالحنا وما نحشموش بيها، كيما المغرب ما حشمتش وقتلي راعات مصالحها وطبعت مع إسرائيل، إذن ما نحشموش إنو نخدمو مصالحنا، توة موقف الضعف متاعنا منين متأتي من أنو عندنا بع التوانسة للأسف وربي يهديهم وإلا لا يهديهم هاذم طابور خامس جاو مع المغرب لأنو يبحو يمركيو بونتو ضد قيس سعيد، اليوم قيس سعيد أنا وانت واللي يحب أي تونسي يحمل بطاقة تعريف وطنية عندو الحق بش ينقدو ويقشتلو لأنو نحملو بطاقة التعريف الوطنية هاذيكا من حقنا أما ما نعطيوهش لبراني والقوى الحية المغربية أنا نقلها شابو لأنو وقتلي جات أزمة مع دولة أخرى الكلها اصطفت وراء دولتها، أحنا كل واحد يجبد روحو يحب يمركي بونتو ضد قيس سعيد، مركي بونتو في حكايات تهمنا أحنا الداخل".