وقال بن حميدة:" ما هوش اعتراف بالأخطاء من طرف الرئيس في الدستور، تسللت، أولاد بسم الله سللوهم.. الرئيس يقول اللي يحب ومستبعد جدا يجينا الرئيس قيس سعيد نهار مالنهارات يعترف بأخطاء ارتكبها، أما كي هو ينجم يقول اللي يحب أحنا نقيمو حسب منطق الأشياء، المنطق يقول أنو رئيس الجمهورية عندنا، عطانا الدليل على أنه ليست له الكفاءة لصياغة القوانين، هذه الحقيقة اليوم، علاش لسببين، فما سبب سياسي اللي هو ما تنجمش تكون انت شمس تزرق على الكل، فما شي ثاني واللي قارين شوية قانون يعرفوه، فما اختصاص اسمو صياغة القوانين، رئيس الجمهورية ليست له هذه المؤهلات، وعطانا دليل فيما يخص قانون الانتخاب، وكان عطانا دليل فيما يخص الدستور اللي عمل فيه 46 غلطة وبالتالي اليوم معناها أنو نعرفو الرئيس يسيب عليه ماهوش متاع صياغة قوانين، واللي فاجئني أنو هيئة الانتخابات "ماهيش مستقلة"، يقلك هو مجرد بيان متاع رئيس الجمهورية وأحنا إذا تتعمل حاجة بش نطبقوها ولنا استهانة بعقل المواطن، لأنو بيان ولا تصريح رئيس الجمهورية، عندو صبغة رسمية، الرئيس كي يتكلم راهو قرار مبعد أنو يخرج في الرائد الرسمي، إذا بش ينقح، المشكلة أخطر، رئيس الجمهورية اللي هو بيدو تعرض لعملية تحيل، أنو التزكيات متاعو حولوها باعوها لعباد أخرين هو بيدو، يعرفو اللي فما المشكلة، جاء عمل قانون انتخابي اللي ما يحلش المشكلة هاذيكا بالذات، ثم مبعد يقلك بش نبدلوها ياخي انت ما فيبالكش بيه الموضوع هذا"...