وقال بن حميدة:" بالنسبة لوزيرة التجارة هي كيما برشا وزراء في الحكومة اللي ما تمش إقالتهم، انجمو نطرحو سؤال هو آش جابها واش هزها، كيفاش جات وعلاش مشات، كيفاش جات لتوة ما نعرفوش راهو شنية أسس الاختيار متاع الوزراء، مبعد تنحات، ولا حد يعنى بش يقوللنا ياخي مش الحكومة هاذي عندها رئيسة حكومة تقول لواش، مش عندهم ناطق رسمي، آش قاعد يعمل الناطق الرسمي... هو ينجم يكون ما فيبالوش، يلزم وقتها نقولو هاذم صبابة ماء على اليدين ما يصلحو لحتى شي ولهذا هوما بيدهم يلزم يمشيو، إذا نمشي بمنطق بالكشي ما فيبالوش... قدام الأزمة متاع ندرة المواد الأساسية أو شحها أو احتكارها، فما طريقتين للتعامل إما تقوي الوزير اللي لاهي بالقطاع هذاكا بش ينجم يخدم ويحل المشاكل وهذا ما صارش، وإلا تنحيه مباشرة مع إعلان تنحيتو، إعلان تسمية وزير آخر يكون أقوى وأكثر ديناميكية وكذا، هذا زادة ما صارش، شنوة معناها، معناها أنو الأسباب تنجم ما تكونش هي الأسباب الموضوعية، وتنجم تكون أسباب يعرفها كان الرئيس... أنا آش بش نقلك هو أنو على الأقل عندو شهر ونص ما استقبلهاش، وحتى كي يحكي على موضوع التجارة والاحتكار والتزود والتزويد يحكيه مع وزير الداخلية ولا رئيسة الحكومة، هي ماهيش موجودة"...