وقال الكحلاوي:" بناء على الأمر الواقع من 25 جويلية الرئيس مسؤول على الوضع العام في البلاد بشكل حصري... مسؤول على الوضع مش تهمة هذا توصيف الواقع... توة شنوة آخر حاجة ينجم واحد يقولها، يقلك باهي هو كان يعمل ضمن منظومة دستورية ماهيش متاعو، توة عمل المنظومة الدستورية متاعو وعمل كل شي، هو المهندس وهو المقاول وهو اللي اللي عمل الديكور الداخلي وشاري بيت الصالة وبيت النوم والكوجينة وعمل البيبان والحديد المسلح، حتى واحد ما ينجم يقول لا أنا ما عملتهاش هاذيكا ما فيباليش راهو مسؤولة عليها المرا ولا مسؤول عليها المقاول وأنا ما عنديش علاقة وما شفتهاش وكنت البرة والله لاني حاضر عليها هو حاضر على كل شي وفصل وخيط من الألف إلى الياء توة ما عادش عندو حتى حجة توة سايي باهي وريني شنوة بش تعمل، أنا الحقيقة نستنا حاجات باهية للبلاد خاطر في النهاية مش مهم هو ولا غيرو المهم البلاد وضعها الاقتصادي والاجتماعي يتحسن، لكن للأسف أهم ملف اللي هو ملف صندوق النقد الدولي الاتفاقية اللي بش تصير الوضع المالي والوضع الاقتصادي مانيش قاعد نرا الرئيس عندو رؤية، نرا في برشا ضبابية ونرا في حكومة ماشية هاربة إلى الأمام"ّ...